Home Blog

Full Amharic Movie | አዲስዓለም ጌታነህ፣ ዳንኤል ተገኝ | Ethiopian Movie 2018 – Hewan

0

Full Amharic Movie | አዲስዓለም ጌታነህ፣ ዳንኤል ተገኝ | Ethiopian Movie 2018 | Hewan | Full Ethiopian Movie

Ethiopia: በሲዳማ እና ምእራብ አርሲ ዞን አዋሳኝ በደረሰ የመሬት መንሸራተት አደጋ የ23 ሰዎች ህይወት አለፈ|FBC

0

አዲስ አባባ፣ ግንቦት19፣ 2010 (ኤፍ.ቢ.ሲ) በሲዳማ እና በምእራብ አርሲ ዞኖን አዋሳኝ አካባቢ በተከሰተ የመሬት መንሸራተት አደጋ የ23 ሰዎች ህይወት አለፈ። አደጋው የተከሰተው ትላንት ምሽት ሁለት ሰአት ጀምሮ ለረጅም ሰዓት በዘነበ ከባድ ዝናብ መሆኑ ተገልጿል።

ከሟቾቹ መካከል 16ቱ ሴቶች ሲሆኑ፥ በሌሎች ስድስት ሰዎች ላይም የአካል ጉዳት እንደደረሰና የህክምና እረዳታ እየተደረገላቸው መሆኑም ታውቋል።

በአደጋው በግምት ስድስት ሄክታር መሬት ላይ የመሬት መንሸራተቱ የተከሰተ ሲሆን፥ ከ30 በላይ የቤት እንስሳትም መሞታቸው ነው የተገለጸው።

የሲዳማ ዞን ባህል ቱሪዝም እና የመንግስት ኮሙዩኒኬሽን ጉዳዮች መምሪያ ሀላፊ አቶ ጁና አገኝሁ እንደተናገሩት የዞን አመራሮች አደጋዉ በተከሰተባቸዉ የጭሬ እና የናንስቦ ወረዳዎች የአደጋዉን ሁኔታ ለማየት እና ድጋፍ ለማድረግ ዛሬ ጥዋት ወደ ስፍራዉ አቅንተዋል።FBC

Ethiopia: ዶ/ር አብይ ስልጣን ከያዙ በኋላ ለኢትዮጵያ የተገጠመ ግጥም | በበላይ በቀለ ወያ

0

ጠ/ ሚኒስትር ዶ/ር አብይ አህመድ በዚሁ የመልካም ምኞት መግለጫቸው 27ኛውን የግንቦት ሀያ የድል በዓል ስናከብር ከውስጣችንም ሆነ ከውጪያችን አስታርቀውን ለራሳችንም ሆነ ለሌላው አዎንታዊ እይታን በሚያስታጥቁን መልካም ተግባራት ታጅበ መሆን አለበት ብለዋል።

ጠ/ ሚኒስትር ዶ/ር አብይ አህመድ የግንቦት 20 ድል በዓል የመልካም የምኞት ሙሉ መግለጫ ከዚህ ቀጥሎ ቀርቧል።

የኢፌዲሪ ጠቅላይ ሚኒስትር ዶ/ር አብይ አህመድ  27ኛውን የግንቦት 20 የድል በዓል ምክንያት በማድረግ ለመላው የሀገራችን ህዝቦች ያስተላለፉት የእንኳን አደረሳችሁ መልዕክት የተከበራችሁ የኢትዮጵያ ህዝቦች፤ እንኳን ለ27ኛው አመት የግንቦት 20 ድል በአል በሰላም አደረሳችሁ!

27ኛውን የግንቦት ሀያ የድል በዓል ስናከበር ከውስጣችንም ሆነ ከውጪያችን አስታርቀውን ለራሳችንም ሆነ ለሌላው አዎንታዊ እይታን በሚያስታጥቁን መልካም ተግባራት ታጅበን እንዲሆን ከዚህ በፊት ከነበረው በተጨማሪ የሚከተሉትን 6 ጉዳዮች በመከወን እንዲሆን ከተለየ ፍቅርና አክብሮት ጋር ጥሪዬን አቀርባለሁ።

1ኛ ሀሉም ሰው ከራሱ ጋር ተፈላልጎ ለመገናኘት ግንቦት ሀያ የጥሞና ጊዜ እንዲሆን ወደራስ ተሰዶ ከራስ ጋር መገናኘትም ሆነ አለምን አነፍንፎ አጽናፋዊ መስተጋብር መፍጠር ዛሬያችንን በውል እንድንኖርም ሆነ ነጋችንን እንድናሳምር ለማድረግ ወሳኝ ነው፡፡

ከባቢን ለመረዳትም ሆነ ለመግራት ወደውስጣችን በመመልከት ከራስ ጋር በሚደረግ እርቅ እና የጥሞና ሰዓት ነፍሳችንን በአዎንታዊ ሀይል መሙላት እጅጉን ወሳኝ ልምምድ መሆን አለበት፡፡

የአርበኝነት፣ የድል፣ የትግል እና የአይበገሬነታችን ተምሳሌት የሆኑ ብሄራዊ በአሎቻችንን በምናከብርበት ወቅት ከክበረ-በአልንት ባሻግር የአሸናፊነት ስነ-ልቦና ተላብሰን መሆን አለበት፡፡

ለራሳችን የጥሞና ጊዜ ኖሮን በዚህ መልካም የስሜት እና የመንፈስ እነጻ ልምምድ ውስጥ ራሳችንን በውል ለመረዳት እና ከራስ ጋር እርቅ ለማድረግ ምቹ መደላድል ይፈጥርልናል፤ ሰው ከምንም ነገር በፊት ከራሱ ጋር መታረቅ ይገባዋልና፡፡ ከራሱ ጋር የታረቀ ዜጋ ከየትኛውም ሃሳብ ሆነ- ከየቱም ግለሰብ ጋር ለመታረቅ በፍጹም አይቸገርም፡፡

2ተኛ ይህን ክብረ በአል ስናከበር ከጎረቤቶቻችን እና ከቅርብ ሩቅ ወዳጆቻችን ጋርም ያሉ ክፍተቶችን በእርቅ እና በይቅርታ የማከም የጋራ ባህል እንዲኖረን በጽናት መስጠትን መለማመድ ይገባናል፡፡

ይህች የምንሳሳላት እና የምንወዳት ሀገራችን ሰላም የምትሆነው፣ ጋራ ሸንተረሯ የሞት ሲላ የሚዞረው ሳይሆን የሰላም ምሳሌዎቹ እርግቦች በጣፋጭ ዜማቸው ዙሪያ ገባው የሚደምቀው፣ ከራሳችን ጋር ስንታረቅ፤ ከወዳጅ ዘመድ ጋር ይቅር ስንባባል ብቻ ነው፡፡

በመሆኑም ይህ የግንቦት 20 የድል በአልን በምናከብርበት ቀን በተለያዩ ምክንያቶች የተኳረፉ ወዳጆች፣ ጎረቤታሞች፣ የትዳር አጋሮች ወዘተ.. ይቅር በመባባል ሰላም እንዲያወርዱ በአክብሮት እጠይቃለሁ፡፡

3ተኛ ውስጣዊ እርጋታና ጽናታችን ያልተሸራረፈ- ውጫዊ አረዳድና ተግባቦታችንም ያልተዛነፈ ሆኖ ከራስ እስከ ሀገር የሚዘልቅ ፍቅር እና ሰላም ይኖረን ዘንድ በአንድም ይሁን በሌላ ምክንያት ድጋፋችንን ከሚሹ ወገኖች ጎን መቆም እና የታመሙ ሰዎችንም መጠየቅ፣ የታረዙትን የማልበስና ደካሞችን በማገዝ ግንቦት 20ን ማክበር ይገባናል፡፡ ከሀገራችን ሰማይ ስር በገጠርም ሆነ በከተማ፤ በየብስም ሆነ በውሀ፤ ከሜዳውም ሆነ ከተራራ፤ መሀልም ሆነ ዳር ላይ የሚሰፈው ሰላም የሚመነጨው ከእኛ እና በዙርያችን ካሉ ሰዎች አስተሳሰብ ውስጥ ነው፡፡

እኛ ያለነው እኛ እና ሌሎች አእምሮ ውስጥ በመሆኑ ከሁላችንም አእምሮ የሚፈልቁ መልካም ነገሮች ሁለንተናችንን መልካም ያደርጋሉ፡፡

በመሆኑም የታመሙትን ስንጠይቅ- ደጋፊ ያጡ አዛውንቶችን ስናበላ/ስናጠጣ እና ስንደግፍ ለራሳችን ያለን ክብር አድጎ እና ሌሎችም ለኛ ያላቸው ፍቅር ተመንድጎ ሰላማችንን ያበዛዋል- ይህም በተራዛሚው ሀገር ቀኤያችንን፤ ውስጥ- ውጪያችንን ሰላም ያደርገዋል፡፡

ግንቦት 20ን ስናከብር በዚህ የመልካምነት፣ የፍቅር፣ የአብሮነት፣ እና የሰላም መታገጊያ ውስጥ እንዲሆን በዚህ አጋጣሚ ጥሪዬን አቀርባለሁ፡፡

4ተኛ የሀገራችን ህዝብ የማንበብ፣ የመመርመር እና ከሚታየው ሁነት ጀርባ የሚኖረውን እውነት የማጥናት የዘመናት ልምምድ ያለው ህዝብ ነው፡፡

አሁን አሁን የሚታዩት እና ማህበረሰባችን ውስጥ የሚስተዋሉት አዝማሚያዎች ከትላንት ታሪካችን እና ከአያት ቅድመ አያቶቻችን የአንባቢ- ጠያቂነት አሻራችን ጋር የሚሰምር ባለመሆኑ አንባቢ ትውልድን ለመፍጠር ሁሉም ዜጋ እንደየ ዝንባሌ መሻቱ የማንበብን ክቡር ተግባር የህይወቱ አካል አድርጎ ሊይዝ ይገባል፡፡

የግንቦት ሀያ በአልን ስናከብርም በማንበብ እውቀትን በውስጣችን ለማሳባሰብ በመወሰን ቢሆን እጅጉን እናተርፋለን፡፡

5ተኛ የማወቅ መሰልጠን- የማደግ መዘመን ልካችን የሚታወቀው ወይም የሚገለጠው ለአካባቢያችን በምንሰጠው ትኩረት- እንክብካቤ እና ንጽህና ልክ ነው፡፡ ቤታችን ምን ቢያምር እና ቢጸዳም አካባቢያችን እስካልጸዳ ድረስ የቤት- ጊቢያችን ውበት እና ጽዳት የሚሰጠን ዋጋ የዜሮ ብዜት ነው፡፡

በመሆኑም የበአል አከባበራችን አንዱ መልክ ከአካባቢ ጽዳት ጋር ቢሰናሰል ጠቀሜታው ብዙ ነው፡፡ 6ተኛ የዘመናዊነታችንና የስልጣኔያችን ዓይነተኛ ማሳያ ሊሆን የሚችለው ሀገራዊ እሴት ለሴቶች የምንሰጠው ክብር ነው፡፡

ማንኛውም ዜጋ እንደግለሰብም ይሁን እንደማህበረሰብ ነገን የተሻለ ለማድረግ በሚያደርጋቸው እንቅስቃሴ ውስጥ ለሴት እህቶቻችን የሚሰጠውን ክብር በማሳደግ መሆን ይገባል፡፡

ቀኑን በዚህ መልኩ ከላይ በተጠቀሱት ተግባራት ያሉንን ሰዓታት ሸንሽነን በአሉን በምናከብርበት ሂደትም የግንቦት 20 ውሎ የሰራናቸውን ተግባራት የሚያመላክት እለታዊ የዉሎ ማስታወሻ በመያዝ ቀናችን ምን ያህል እንደተጠቀምንበት የማስተዋል ልምምዳችንን ማዳበር እንደሚገባን እንዳንዘነጋ በአጽንኦት አሳስባለሁ፡፡

የተከበራችሁ የሀገሬ ህዝቦች፣ ከራስ ክብር እስከ ሀገር ፍቅር ሊያስታጥቁን የሚችሉ እነዚህን በጎ ልምምዶች የሁሌም መገለጫችን በማድረግ ዛሬ በጠንካራ መሰረት ላይ ማቆም ስንችል በእርግጠኝነት ነገ- ከዛሬ የተሻለች እንደምትሆን ማመን እንችላለን፡፡

ዛሬ ያሉብን ማህበራዊ እና ግለሰባዊ ክፍተቶቻችን የሁሌም መሆን እንዳይችሉ የምናክማቸው እንደዚህ ባሉ አዎንታዊ ሀይልን በሚጨምሩልን ተግባራት በመሆኑ ይህንን ልምምዳችንን አጠናክረን እንድንቀጥል አደራ ለማለት እወዳለሁ፡፡

“ኢትዮጵያ በልጆቿ ጥረት ታፍራ፣ ተከብራና በልጽጋ ለዘላለም ትኑር!” ፈጣሪ ኢትዮጵያንና ህዝቦቿን ይባርክ!

Betoch – “ኮንትራት” Betoch Comedy Ethiopian Series Drama Episode 215

0

Ethiopia |የቤቶች ተከታታይ የቤተሰብ ድራማ ክፍል 215 “ኮንትራት” | Betoch Comedy Ethiopian Series Drama Episode 215

Ethiopia:የሀገሪቱ የኤሌክትሪክ ሀይል አቅርቦት ጉዞ ሲታይ | Fana Television

0

(ኤፍ.ቢ.ሲ) ወደ ሀገር ውስጥ እየገባ ባለው መጠኑ ከፍ ያለ የስንዴና ማዳበሪያ ምርት ምክንያት በኢትዮ-ጅቡቲ መስመር ላይ የተፈጠረውን የትራፊክ መጨናነቅ ለመቅረፍ እየሰራ መሆኑን የኢትዮጵያ ገቢዎች እና ጉምሩክ ባለስልጣን አስታወቀ፡፡

ሰሞኑን በመስመሩ ላይ የከፋ የትራፊክ መዘጋጋት በመፈጠሩ ለመንቀሳቀስ እንደከበዳቸው የተለያዩ አሽከርካሪዎች ለፋና ብሮድካስቲንግ ገልጸው ነበር፡፡

ባለስልጣኑ ዛሬ እንዳለው መጨናነቁ የተፈጠረው ወደ ሀገር ውስጥ እየገባ ባለው የስንዴና የማዳበሪ ምርት ምክንያት መሆኑን አስታውቋል፡፡

መጨናነቁንም በአጭር ጊዜ ውስጥ ለመቅረፍም እየሰራ መሆኑን ነው ባለስልጣኑ የገለጸው፡፡ FBC

Ethiopia: Tedy Afro At Denver

0

Tewodros Kassahun, better known as Teddy Afro, is an acclaimed Ethiopian pop star known for his uplifting and often politically motivated songs. Born in Addis Ababa in 1976, Afro made his debut in 2001 with the album Abugida, quickly establishing himself as a prominent voice in his native country. Mixing reggae, traditional Ethiopian styles, and pop music, his sophomore LP, 2005’s Yastesereyal, yielded a major hit in its controversial title track, which criticized corruption in the country’s government.

Four of the album’s songs were subsequently banned from media outlets, though Yastesereyal’s sales and influence remained strong. The following year, Afro re-released an earlier collection called Tarik Tesera, whose inspiring title track acted as a tribute to a pair of Ethiopian runners and became another widely known song. In 2007, riding high from his success, Afro was involved in an auto accident in which a young homeless man was killed.

Charged with hit-and-run and vehicular manslaughter, Afro served two years in prison, though there was a good deal of controversy surrounding his sentencing by what many considered to be a vindictive government. Upon his 2009 release, he performed a comeback concert at Addis Ababa Stadium for a massive crowd of 60,000.

2012 saw the greatly anticipated release of Afro’s fourth LP, Tikur Sew, a powerful, historically inspired album celebrating the battle of Adwa in which Ethiopia fought off Italy to remain uncolonized. The album was a major success at home and significantly raised his profile internationally. Bolstered by frequent touring and high-profile appearances around the world, Afro’s next release, 2017’s critically lauded Ethiopia, debuted at number one on Billboard’s World Music chart.Read More

Ethiopia: በይቅርታ እና ክሳቸው ተቋርጦ ስለፈቱት የፌዴራል ጠቅላይ አቃቢ ህግ የሰጠው መግለጫ

0

በሽብርተኝነት የተፈረጀው የግንቦት ሰባት ድርጅት ምክትል ሊቀመንበር የነበሩት አቶ አንዳርጋቸው ጽጌና በሙስና ወንጀል ተጠርጥረው የተከሰሱት እነ አቶ መላኩ ፈንታን ጨምሮ፣ 771 ተከሳሾችና ፍርደኞች በይቅርታና ክስ በማቋረጥ ከእስር እንዲፈቱ ተደረገ፡፡

የፌዴራል ጠቅላይ ዓቃቤ ሕግ አቶ ብርሃኑ ፀጋዬ ቅዳሜ ግንቦት 18 ቀን 2010 ዓ.ም. በጽሕፈት ቤታቸው በሰጡት መግለጫ፣ በሽብር ወንጀል ተከሰው የነበሩ 137 ግለሰቦች፣ አቶ መላኩ ፈንታ፣ አቶ ገብረ ዋህድ ወልደ ጊዮርጊስ፣ አቶ ዓለማየሁ ጉጆና አቶ ዛይድ ወልደ ገብርኤልን ጨምሮ በሙስና ወንጀል የተከሰሱ 31 ግለሰቦች፣ በልዩ ሁኔታ የ27 ሰዎችና የአራት ድርጅቶች ክሳቸው እንዲቋረጥ መደረጉን አስታውቀዋል፡፡

አቶ አንዳርጋቸው ጽጌን ጨምሮ በተለያዩ የወንጀል ድርጊቶች ክስ ተመሥርቶባቸው የቅጣት ውሳኔ ተላልፎባቸው የነበሩ 576 ሰዎች ይቅርታ እንደተደረገላቸውም አቶ ብርሃኑ አስረድተዋል፡፡

ጠቅላይ ዓቃቤ ሕግ በአዋጅ ቁጥር 943/2008 የተሰጠውን ሥልጣን መሠረት አድርጎ፣ የፍትሕ ሥርዓቱን በሚመለከት ኅብረተሰቡ ሲያነሳ የነበረውን የመልካም አስተዳደር ችግሮችንና ቅሬታዎችን በመመልከት፣ ከላይ የተጠቀሱት ተከሳሾችና ፍርደኞች ክሳቸው እንዲቋረጥና በይቅርታ እንዲፈቱ መደጉን አቶ ብርሃኑ ተናግረዋል፡፡

ክሳቸው የተቋረጠላቸው ተከሳሾች ለጠቅላይ ዓቃቤ ሕግ በተሰጠው ሥልጣን መሠረት እንደሆነ፣ ፍርድ ያረፈባቸውም ለይቅርታ ቦርድ ቀርቦና በአገሪቱ ርዕሰ ብሔር ውሳኔ ተሰጥቶበት መሆኑንና በአዋጁም በልዩ ሁኔታ እስረኞችን መልቀቅ እንደሚቻል በመደንገጉ ተግባራዊ መደረጉን አስታውቀዋል፡፡

የግንቦት ሰባት ድርጅት ምክትል ሊቀመንበር የነበሩት የእንግሊዝ ዜግነት ያላቸው ትውልደ ኢትዮጵያዊው አቶ አንዳርጋቸው፣ በሽብር ወንጀል ሁለት ጊዜ ክስ ተመሥርቶባቸው በዕድሜ ልክና በሞት እንዲቀጡ እንደተፈረደባቸው ይታወሳል፡፡ ሐምሌ 1 ቀን 2006 ዓ.ም. ከዱባይ ወደ አስመራ ለመሄድ የመን ሰንዓ አውሮፕላን ማረፊያ ሲደርሱ፣ በፀጥታ ሰዎች ተይዘው ወደ ኢትዮጵያ ከመጡ በኋላ በቀጥታ ወደ ፌዴራል ማረሚያ ቤት ተወስደው ቃሊቲ ማረሚያ ቤት ታስረው ላለፉት አራት ዓመታት ያህል ቆይተዋል፡፡ ከእስር እንዲፈቱ በዓለም አቀፍና በአገር አቀፍ ደረጃ የተለያዩ ግፊቶች የነበሩ ሲሆን፣ ባለፈው አንድ ወር ውስጥ ጠቅላይ ሚኒስትር ዓብይ አህመድ (ዶ/ር) ባስተላለፉት ትዕዛዝና የሥራ አቅጣጫ መሠረት፣ ዓርብ ግንቦት 17 ቀን 2010 ዓ.ም. ይቅርታ ተደርጎላቸው ከእስር መፈታታቸው ታውቋል፡፡

በከባድ የሙስና ወንጀል ተከሰው ላለፉት አምስት ዓመታት በእስር ላይ የሚገኙት፣ የቀድሞ የኢትዮጵያ ገቢዎችና ጉምሩክ ባለሥልጣን ዋና ዳይሬክተር አቶ መላኩ ፈንታና በሕግ ዘርፍ ምክትል ዋና ዳይሬክተር የነበሩት አቶ ገብረ ዋህድ ወልደ ጊዮርጊስን ጨምሮ የሁሉም ተከሳሾች ክስም ተቋርጧል፡፡

በሦስት የተለያዩ የክስ መዝገቦች ክስ ተመሥርቶባቸው በሁለቱ መዝገቦች ጥቂት ተከሳሾች በነፃ ሲሰናበቱ፣ አቶ መላኩና አቶ ገብረ ዋህድን ጨምሮ አብዛኛዎቹ በአንድ፣ በሁለትና በሦስት ክሶች ጥፋተኛ ተብለው የቅጣት ውሳኔ ለመስጠት፣ ፍርድ ቤቱ ለማክሰኞ ግንቦት 21 ቀን 2010 ዓ.ም. ቀጠሮ ይዞ ነበር፡፡ በሌላ አንድ መዝገብም ጥፋተኛ ለማለት ወይም በነፃ ለማሰናበትም በተመሳሳይ ቀን ቀጠሮ ተይዞ ነበር፡፡

በአዋጅ ቁጥር 943/2008 ክስ የመመሥረትና ክስ የማቋረጥ ሥልጣን የተሰጠው ጠቅላይ ዓቃቤ ሕግ ‹‹ጉዳዩን በጥልቅ በመመርመር የክስ መዝገቡን ማቋረጥ ለሕዝብ ጥቅም አስፈላጊ መሆኑ ስለታመነበት ክሳቸው እንዲቋረጥ፤›› በማለት፣ ክሱን እየመረመረው ለሚገኘው የፌዴራል ከፍተኛ ፍርድ ቤት 15ኛ ወንጀል ችሎት አቅርቦ ክሱ እንዲቋረጥ አድርጓል፡፡

በመሆኑም በእነ አቶ መላኩ የክስ መዝገብ የተካተቱት፣ አቶ ገብረ እግዚአብሔር ነጋ፣ አቶ ከተማ ከበደ፣ ላለፉት አምስት ዓመታት ክሳቸው ሲታይ የነበሩት አቶ ጌቱ ገለቴ (በሌሉበት)፣ አቶ ገብረ ሥላሴ ገብሬ፣ አቶ ስማቸው ከበደ፣ ኮሎኔል ሃይማኖት ተስፋዬ (የአቶ ገብረ ዋህድ ባለቤት)፣ የኢሊሊ ሆቴልና የገምሹ በየነ ኮንስትራክሽን ኩባንያ ባለቤት አቶ ገምሹ በየነ (በሌሉበት)፣ አቶ ፍፁም ገብረ መድኅን፣ ኬኬ ኃላፊነቱ የተወሰነ የግል ማኅበር፣ ጌትአስ ኩባንያ፣ ኮሜት ትሬዲንግ ሐውስ ኃላፊነቱ የተወሰነ የግል ማኀበርና ነፃ ኃላፊነቱ የተወሰነ የግል ማኅበርና የመሳሰሉት ናቸው፡፡

በሌላ መዝገብ ክስ የተመሠረተባቸውና በ2009 ዓ.ም. መጨረሻ በከባድ የሙስና ወንጀል መጠርጠራቸው በመገናኛ ብዙኃን በወቅቱ በነበሩት ጠቅላይ ዓቃቤ ሕግ አቶ ጌታቸው አምባዬ ተነግሮ በቁጥጥር ሥር የዋሉትና ክስ የተመሠረተባቸው የገንዘብና ኢኮኖሚ ትብብር ሚኒስቴር ሚኒስትር ዴኤታ አቶ ዓለማየሁ ጉጆ፣ አቶ ዋስይሁን አባተ፣ አቶ አክሎግ ደምሴ፣ አቶ ዘርፉ ተሰማ፣ አቶ መስፍን ወርቅነህ፣ ወ/ሮ ስህን ጎበና፣ አቶ ጌታቸው ነገሪ፣ አቶ ነጋ መንግሥቱ፣ አቶ ሙሳ ሙሐመድ፣ የኢትዮጵያ መንገዶች ባለሥልጣን ዋና ዳይሬክተር የነበሩት አቶ ዛይድ ወልደ ገብርኤል፣ አቶ ሲራጅ አብዱላሂ (ከባህር ትራንስፖርትና ሎጂስቲክስ አገልግሎት)፣ ኮሎኔል መላኩ ደግፌ፣ ትርሲት  ከበደ፣ አቶ ገዛኸን ኢጀራ፣ ቤዛዓለም አክሊሉ፣ አቶ ወንድሙ መንግሥቱ፣ አቶ ቢልልኝ ጣሰውና ማኅደር ገብረሃና ክስም እንዲቋረጥ ተጠይቆ ተቋርጧል፡፡

ዋና ጠቅላይ ዓቃቤ ሕጉ አቶ ብርሃኑ ስለተቋማቸው የሥራ ተግባርና ክስን ለማቋረጥ በአዋጅ ሥልጣን እንደተሰጠው ጠቁመው፣ ከላይ የተጠቀሱት 771 ግለሰቦችና አራት ድርጅቶች ክስ እንደተቋረጠና በይቅርታ እንደተፈቱ ከገለጹ በኋላ፣ ማስተናገድ የሚችሉት አንድ ሦስት ጥያቄዎችን ብቻ እንደሆነ ተናግረዋል፡፡

በሙስና ወንጀል ተጠርጥረው ክስ የተመሠረተባቸው ሰዎች ቁጥራቸው ከፍተኛ መሆኑን በመጠቆም፣ 31 ግለሰቦችን ብቻ ለይቶ መፍታትና በቅርቡ በ2009 ዓ.ም. መጨረሻ አካባቢ ከተለያዩ የመንግሥት ተቋማት በኃላፊነት ላይ የነበሩ በርካታ ግለሰቦች በቢሊዮኖች የሚቆጠር ገንዘብ ምዝበራ ተጠርጥረው ክሳቸው እየተካሄደ ቢሆንም፣ የተወሰኑ ከሁለት ተቋማት ብቻ የተመረጡ ሰዎች በክስ ማቋረጥ ውስጥ እንዲካተቱ የተደረገው እንዴት እንደሆነና የመለያ መሥፈርቱ ምን እንደሆነ ጥያቄ ቀርቦላቸው ነበር፡፡

አቶ ብርሃኑ በሰጡት ምላሽ እንደተናገሩት፣ መፍትሔው ማሰርና መቅጣት ሳይሆን መፍትሔ የሚመጣበትን መሥራት ነው፡፡ ‹‹በሙስና ምን ዓይነት ሰዎች ናቸው የተከሰሱት? ከ90 በላይ ክስ ተመሥርቶ በአንድና በሁለት ጉዳዮች ብቻ ክርክር ይካሄዱባቸው የነበሩ ናቸው፡፡ በመሆኑም ወደፊት ሙስና እንዳይፈጸም መከላከል፣ ድርጊቱ ከተፈጸመም ከመታሰራቸው በፊት በሚስጥርም ይሁን በሌላ መንገድ ማስረጃ ሰብስቦ ከተረጋገጠ በኋላ መጠየቅ ያስፈልጋል፤›› ብለዋል፡፡ እየያዙ ማሰር ብቻ ለውጥ እንደማያመጣ፣ በትልልቁ ላይ ትኩረት ተደርጎ ካልተሠራ በሽርፍራፊው ላይ ብቻ ትኩረት መስጠት ጥቅም እንደሌለው አክለዋል፡፡

የሽብር ተግባር ወንጀል ተከሳሾችን በሚመለከት በአንድም በሌላ ከፖለቲካ ጋር የተገናኘ መሆኑን ጠቁመው፣ የፖለቲካ ምኅዳሩን በማስፋት ሕግና ሕግን ተከትለው እንዲንቀሳቀሱ ለማድረግ ክሳቸው እንዲቋረጥ መደረጉን ገልጸዋል፡፡ ይቅርታው ቀጣይነት እንዳለውና እንደሌለው ተጠይቀው ‹‹ይቀጥላል፣ ግን መብት አይደለም፤›› ብለዋል፡፡ ክስ ተቋረጠ ማለት ወንጀል ወይም ጥፋት የለም ማለት አለመሆኑን አቶ ብርሃኑ ጠቁመው፣ የተቋረጠ ክስ ሊንቀሳቀስ እንደሚችልም አስረድተዋል፡፡

በመገናኛ ብዙኃን ተጠርጣሪዎቹን ጭምር በማሳየት የመንግሥትንና የሕዝብን ሀብትና ገንዘብ መውሰዳቸውን የገንዘቦቹ ዓይነትና መጠን ተገልጾ፣ በርካታ ይዞታዎችም መኖራቸውን የሚያረጋግጡ ሰነዶች ታይተው በቢሊዮኖች የሚቆጠር ገንዘብ የፕሮጀክቶቹ ስም እየተጠቀሰ ለግለሰቦች ጥቅም መዋሉና ሌሎችም ማስረጃዎች ቀርበው እያለ፣ ክስን ማቋረጥ በቀጣይ ለኅብረተሰቡ የሚያስተላልፈው መልዕክት ምንድነው? የሚል ጥያቄ የቀረበላቸው አቶ ብርሃኑ፣ ምላሽ ሳይሰጡበት መግለጫቸውን አጠናቀዋል፡፡ Read More

Ethiopia: ድምፃዊ ዳን አድማሱ አዲሱ ሙዚቃዉን በእሁድን በኢቢኤስ/Sunday With EBS Dan Admasu Live Performance

0

Ethiopia: ድምፃዊ ዳን አድማሱ አዲሱ ሙዚቃዉን በእሁድን በኢቢኤስ/Sunday With EBS Dan Admasu Live Performance

ETHIOPIA – የሊቨርፑሎችን ሀዘን ለመግለፅ ቃላት አቅም የለውም።ልብ ሰባሪነቱን ከማወቅ በስተቀር!

0

ለወራት ሲያወዛግብ የቆየው የኢትዮጵያ እግር ኳስ ፌዴሬሽን ፕሬዚዳንታዊና ሥራ አስፈጻሚ ኮሚቴ ምርጫ፣ አሁን ላይ መፍትሔ ሊያገኝ የተቃረበ ይመስላል፡፡  ለፕሬዚዳንታዊም ሆነ ለሥራ  አስፈጻሚ ኮሚቴ ምርጫው ‹‹ብቁ›› ተብለው የቀረቡ ዕጩዎች ታውቀዋል፡፡ ከእነዚህ ዕጩ ተወዳዳሪዎች መካከል የአዲስ አበባ ወጣቶችና ስፖርት ኮሚሽነር አቶ ተስፋዬ ኦሜጋ ይገኙበታል፡፡ ዕጩ ተወዳዳሪው ለዚህ ምርጫ የበቁት፣ በብሔራዊ ፌዴሬሽኑ ከምርጫ ጋር ተያይዞ በተፈጠረው አለመግባባትና በዚሁ ምክንያት የዓለም አቀፉ እግር ኳስ ማኅበር (ፊፋ) አዲስ በላከው የምርጫ ሥነ ምግባር ደንብ፣ ቀደም ሲል ከቀረቡት ዕጩዎች በተጨማሪ የአዲስ አበባ እግር ኳስ ፌዴሬሽን ያቀረባቸው ናቸው፡፡ ዕጩ ተወዳዳሪው በስፖርቱ ዘርፍ በሕዝብ አስተዳዳር ለረዥም ዓመት ከማገልገላቸው ጎን ለጎን፣ በእግር ኳስ ረዳት ዳኝነት ኢንተርናሽናል ባጅ (መለያ) ያገኙ ናቸው፡፡ ባለባቸው ከፍተኛ የመንግሥት ኃላፊነት የተነሳ የዳኝነት ባጃቸውን በመመለስ በአሁኑ ወቅት የጨዋታ ታዛቢ ዳኛ በመሆን በማገልገል ላይ ይገኛሉ፡፡ ከአዲስ አበባ ዩኒቨርሲቲ ሁለተኛ ዲግሪ በቢዝነስ አድሚኒስትሬሽን እንዳገኙ የሚናገሩት አቶ ተስፋዬ፣ የኢትዮጵያ እግር ኳስ ፌዴሬሽን ጠቅላላ ጉባዔ ድምፁን የሚሰጣቸው ከሆነ፣ ከፌዴሬሽኑ ተቋማዊ አደረጃጀት ጀምሮ በየደረጃው የሚስተዋሉ የአሠራር ክፍተቶችን ለማስተካከል ልምዱም ሆነ ብቃቱ እንዳላቸው ይናገራሉ፡፡ በተቋሙ ውስጥ አሉ ስለሚባሉት የአሠራርና የአደረጃጀት ክፍተቶች በሚስተዋልበት በዚህ ወቅት እንዲሁም ቢመረጡ ስለሚያከናውኗቸው የዕቅድ ክንውኖች ዙሪያ ደረጀ ጠገናው አነጋግሯቸዋል፡፡

ሪፖርተር፡- የኢትዮጵያ እግር ኳስ ከመቼውም ጊዜ በበለጠ በተለይ የስፖርት ማዘውተሪያ ቦታዎች የሁከትና የብጥብጥ፣ ከዚህም ሲያልፍ ለዜጎች የእርስ በእርስ ግንኙነት መሻከር፣ ለንብረትና ሕይወት ጥፋት መንስኤ ሆኗል፡፡ በአጠቃላይ እግር ኳሱ እንደ ተቋም ወደ ከፋ አስተዳደራዊ ቀውስ ውስጥ ገብቷል ማለት በሚቻልበት በዚህ ወቅት፣ ለፌዴሬሽኑ የሥራ አስፈጻሚ ኮሜቴ ምርጫ ዕጩ ሆነው ከቀረቡት አንዱ ነዎት፡፡ በምርጫው ማሸነፍ ከቻሉ ይህ ተቋም አሁን ከሚገኝበት የአስተዳደራዊ ቀውስ መውጣት እንዲችል ምን ዓይነት የአሠራር ሥርዓት ለመከተል አስበዋል?

አቶ ተስፋዬ፡- ከ1970ዎቹ አጋማሽ ጀምሮ በስፖርቱ በተሳታፊነትና በተመልካችነት ከዚህም በላይ በስፖርት አመራርነት አገልግሎት በመስጠት ቆይቻለሁ፡፡ እግር ኳሱን በተመለከተ የአመራርነት አገልግሎት መስጠት የሚያስችል ዕድሉን ማግኘት ባልችልም፣ ነገር ግን ግንዛቤው ስላለኝ ችግሩን ለማስወገድ እቸገራለሁ የሚል እምነት የለኝም፡፡ ምክንያቱም በስፖርቱ ውስጥ በተለያየ አጋጣሚ አልፌያለሁ፡፡ ከዚህም በላይ ሙያተኛም ነኝ፡፡ ቀደም ባሉት ዓመታት በፌዴሬሽኑ በተለያዩ ክፍሎች ምንም እንኳ በቋሚነት ባይሆን፣ አገልግሎት ስሰጥ ቆይቻለሁ፡፡ የሁሉም ጥረት ለስፖርቱ ዕድገት እስከሆነ ድረስ መመካከርና መደጋገፍ በሚለው አምናለሁ፡፡ እስከ ቅርብ ጊዜ ድረስ፣ ፌዴሬሽኑን በሥራ አስፈጻሚ ኮሚቴ አባልነት የማገልገል ፍላጎቱ አልነበረኝም፡፡ ለዚህ አሁን ለደረስኩበት ውሳኔ ያነሳሳኝ እንደተባለው እግር ኳሱ በተለይም በአሁኑ ወቅት ያለበት ሁኔታ ከስፖርቱ አደረጃጀትና መሰል ጉዳዮች ጋር ተያይዞ በተለያየ መልኩ ከተለያዩ የሕዝብ ክፍሎች፣ የክለብ ደጋፊዎች፣ ማኅበራትና መሰል ተቋማት፣ የሚሰሙና የሚደመጡ ውዝግቦችና ችግሮች፣ ከፍትሐዊነት ጋር ተያይዞ የሚደመጡ ቅሬታዎች እንዲሁም እኔ በዋናነት በምታወቅበት የዳኝነት ሥርዓቱ ሳይቀር፣ የችግሩ መንስኤዎች እየሆነ በመምጣቱ፣ ለምን የሚለው ነገር ሁሌም የሚከነክነኝ ከሆነ ውሎ አድሯል፡፡ ምክንያቱም ለስፖርቱ ዕድገት ኅብረተሰቡና መንግሥት እያደረጉት ያለው አስተዋፅኦ ከፍተኛ ነው፡፡ ዞሮ ዞሮ ግን መግባባት እየተቻለ አይደለም፡፡ ውጤቱም ቢሆን በከፍተኛ ደረጃ እያሽቆለቆለ ነው፡፡ በመሆኑም የኅብረተሰቡን ፍላጎትና ክብር የሚመጥን የስፖርት አመራርና አደረጃጀት ያስፈልጋል የሚል ፅኑ እምነት አለኝ፡፡

ሪፖርተር፡- ለዚህ ሁሉ ችግር በዋናነት ስፖርቱ ለሚመራበት የተቋሙ መዋቅራዊ ተክለ ሰውነት የሚመጥን ባለመሆኑ እንደሆነ ይነገራል፡፡ እርሶም ይኼንኑ እያረጋገጡልን ነው፡፡ የመመረጥ ዕድሉ ቢያጋጥምዎ ምን ለማድረግ ያስባሉ?

አቶ ተስፋዬ፡- ዕቅድ ብቻውን ውጤት እንደማይሆን የኢትዮጵያ እግር ኳስ የመጣባቸው የኋላ ታሪኮች ምስክር ናቸው፡፡ እግር ኳሱ ከእንግዲህ እንዳለፉት ጊዜያት ብመረጥ ይኼን አደርጋለሁ ብለን የምናልፈው አይደለም፡፡ ዕቅዳችን ወደ መሬት ማውረድ የግድ ነው፡፡ ለዚህም የበኩሌን ለምን አልሞክርም በሚል ነው ራሴን ለምርጫ ያዘጋጀሁት፡፡ የኢትዮጵያ እግር ኳስ ከመቼውም ጊዜ በበለጠ ቁርጠኛ አመራሮችን ይጠይቃል፡፡ አሁንም የመመረጥ ዕድሉን ካገኘሁ፣ አንዱና ዋናው ዕቅዴ ከባለ ድርሻ አካላት ጋር ተባብሮና ተቀናጅቶ መሥራት ነው፡፡ ለእግር ኳሱ ለውጥ ራሴን ማዘጋጀት እንዳለብኝ ይሰማኛል፡፡ ምክንያቱም ችግሮቹን ለይቼ አውቃቸዋለሁ፡፡ እነዚህን ችግሮች ለመፍታት ደግሞ እኔን ጨምሮ በግለሰቦች መልካም ፈቃደኝነት ላይ ብቻ ሳይሆን፣ ፌዴሬሽኑን ተቋማዊ በማድረግ ዘላቂ መፍትሔ ማምጣት እፈልጋለሁ፡፡ ይኼ ሙያዊ ብቻ ሳይሆን አገራዊ ግዴታ ስለመሆኑ ግንዛቤ ውስጥ ማስገባት ጥሩ ይመስለኛል፡፡

ሪፖርተር፡- ከመንግሥት ኃላፊነትዎ ጎን ለጎን በእግር ኳስ ረዳት ዳኝነት ከዚያም በጨዋታ ታዛቢ ዳኝነት አገልግሎት በመስጠት ላይ ይገኛሉ፡፡ ቀደም ሲል እርስዎ ሲናገሩ እንደነበረው፣ የኢትዮጵያ እግር ኳስ ከስፖርታዊ ጨዋነት ጋር ተያይዞ በትልቁ ችግር ውስጥ ይገኛል፡፡ ለዚህም ደግሞ የዳኝነቱ የራሱን አስተዋፅኦ አድርጓል የሚሉ አሉ ለዚህ መፍትሔ የሚሉት ይኖርዎታል?

አቶ ተስፋዬ፡- በአጠቃላይ ስለ እግር ኳስ ስናወራ፣ የእግር ኳስ ዳኝነት የዚሁ አንድ አካል አድርገን ነው፡፡ አሁን ላይ ብዙም እየተጠቀምንበት ባይሆንም ቀደም ባሉት ዓመታት በትምህርት ቤቶች፣ በመሥሪያ ቤቶችና መሰል የስፖርት ማዘውተሪያዎች መሠረታዊ የሚባሉ መርሆዎች ነበሩ፡፡ ስፖርት ለወዳጅነትና ለአንድነት፣ ስፖርት ለፍቅርና ለወንድማማችነት ተብሎ በመርህ ደረጃ ይታወቅ ነበር፡፡ ይሁንና ስለጤናማ ስፖርት ስናወራ ስለወጣቱ ጤንነትና ማኅበራዊ ትስስር መሆኑ ግንዛቤ ሊያዝ ይገባል፡፡ ለዚህ ደግሞ አንዱ የእግር ኳስ ዳኝነት ተጠቃሽ ነው፡፡ በእግር ኳሱ አለ የምንለው የአደረጃጀት ችግር ጃኝነቱንም ይመለከታል፡፡ ለዚህም ነው ቀደም ሲል የዚህ ሁሉ ችግር ዋናው መፍትሔ ተቋማዊ አደረጃጀትና አሠራር ያስፈልጋል ያልኩት፡፡ አሁን ባለው የእግር ኳስ ዳኝነት፣ ከፌዴሬሽኑ ውጪ የራሱ የሆነ አደረጃጀት የለውም፡፡ በእርግጥ የእግር ኳስ ዳኞቻችንን ከማብቃት አኳያ ጥሩ ነገር እንዳለ ይሰማኛል፡፡ ባምላክ ተሰማና ሊዲያ ታፈሰ የመሳሰሉት የዓለም ዋንጫን መዳኘት የሚችሉበት አቅም ተፈጥሯል፡፡ በርካቶች በአህጉራዊና ዓለም አቀፍ ውድድሮች መምራት የሚችሉበት ኢንተርናሽናል ባጅ (መለያ) ያገኙ የእግር ኳስ ዳኞች ተፈጥረዋል፡፡ ይኼ ሊበረታታ የሚገባው ነው፡፡ በስፖርቱ የአገሪቱ አምባሳደሮች ሆነዋል፡፡ በቀጣይም ቁጥራቸውን የበለጠ ለማሳደግ መሥራት ያስፈልጋል፡፡ ወቅቱን የጠበቀ መሠረታዊ የእግር ኳስ ሕጎች ላይ ሥልጠናዎችን መስጠት ተገቢ እንደሆነ አምናለሁ፡፡ ለዚህ ደግሞ አደረጃጀት የግድ ነው፡፡ አንድ የእግር ኳስ ዳኛ፤ ዳኛ እንዲባል ከታሰበ የሥነ ልቦናና ተያያዥ ሥልጠናዎች ጭምር ማግኘት ይኖርበታል፡፡ ዳኞች ለሚኖራቸው ሙያዊ ታማኝነት ተደጋጋሚና ወቅታዊ የሆኑ ሥልጠናዎች ትልቅ ድርሻ ስለሚኖራቸው ትኩረት እንዲሰጠው እፈልጋለሁ፡፡ ወደ እዚህ ኃላፊነት ለመምጣት ሳሰብም መነሻዬ ይኼ ነው፡፡ እንደተባለው እየተፈጠረ ላለው የማዘውተሪያ ቦታዎች እሰጣ ገባ፣ በጥናት የተረጋጋጠ ነገር ባይኖርም፣ በስፖርት ቤተሰቡ ዘንድ የዳኝነቱ ጉዳይ ጥያቄ ሲቀርብበት ይደመጣል፡፡ ስለሆነም ሁለንተናዊ የሆነ የአቅም ማጎልበት ሥራ መሥራት ያስፈልጋል፡፡ ብሔራዊ ፌዴሬሽኑ ከካፍና ፊፋ ጋር  ለመገናኘት ጥሩ መደላድል ፈጥሯል፡፡ ያንን አጠናክሮ መቀጠል ያስፈልጋል፡፡ ከሥልጠናው ጎን ለጎን ለዳኞች ደረጃ አውጥቶ እንደ አቅማቸው የሙያ ማሻሻያ ሥልጠና መስጠት ያስፈልጋል፡፡ ተደበላልቆ ያለውን አሠራር በመለየት መስመር ማስያዝ በተለይ ለእግር ኳስ ዳኝነት መሠረታዊ ነው፡፡ እኔ በዳኝነት በነበርኩበት ሰዓት በሁለቱም ፆታ የእግር ኳስ ዳኞች ቁጥር ከሚገባው በላይ አሽቆልቁሎ ነበር፡፡ አሁን የተሻለ ነው ብሎ መውሰድ ይቻላል፡፡ ሥልጠናውን በመስጠቱ ረገድ ከተጠቀምንባቸው በርካታ አቅም ያላቸው ኢንስትራክተሮች እንዳሉ አውቃለሁ፡፡ ልንጠቀምባቸው ይገባል፡፡

ሪፖርተር፡- ለምርጫው ዕጩ ሆነው መቅረብዎ አስቀድሞ፣ የፌዴሬሽኑ ፕሬዚዳንታዊና የሥራ አስፈጻሚ ምርጫ በበርካታ አወዛጋቢ ጉዳዮች አልፏል፡፡ ከዚህ በመነሳት? የጉባዔው ሚናና ድርሻ ምን መሆን አለበት ብለው ያምናሉ?

አቶ ተስፋዬ፡- እንደተባለው የፌዴሬሽኑ ምርጫ አላስፈላጊ ጊዜ ወስዷል፡፡ አሁንም ጉባዔው በአርቆ አስተዋይነት ውሳኔ መስጠት ይጠበቅበታል፡፡ ከነበረው ጉትቻ  ለየት ባለ መልኩ ለአገሪቱ እግር ኳስ አባል ሲባል ጉባዔው ሙያዊ ውሳኔ ማስተላለፍ አገራዊ የዜግነት ግዴታውን መወጣት ይጠበቅበታል፡፡ ምክንያቱም መላው የእግር ኳሱ ቤተሰብ ከተሞክሮው በመነሳት ምርጫውን የሚጠብቀው በጉጉት ነው፡፡ ጉባዔው ተገቢውን ምላሽ መስጠትና በተለይ ደግሞ በጉባዔው ወደ አመራር የሚመጡ አባላት ቁርጠኝነት ያላቸው እንደሆኑና የተሰጣቸውን ኃላፊነት ምንም ዓይነት መንጠባጠብ ሳይኖር ኃላፊነታቸውን መወጣት የሚችሉ እንዲሆኑ ጉልህ ድርሻ መወጣት ይኖርበታል፡፡ ከተሞክሮ እንደ ምናውቀው አንዳንዶች ከተመረጡ በኋላ ባለባቸው የሥራ ጫና ሊሆን ይችላል፣ የተቋሙን ሥራ የሚመለከቱት እንደ ትርፍ ሥራ ነው፡፡ ይኼ መሆን የለበትም፡፡ ኃላፊነታቸውን በአግባቡ መወጣት መቻል ይኖርባቸዋል፡፡ ካልሆነ ደግሞ ለመሥራት ፍላጎት ያላቸውን ሰዎች ዕድል ማበላሸት ተገቢ ነው የሚል እምነት የለኝም፡፡ ከዚህ ጋር በተያያዘ በኢትዮጵያ ተጨባጭ ሆኔታ ምርጫ የሚደረገው በየአራት ዓመቱ ነው፡፡ ይኼ ጉዳይ በጉባዔው ትኩረት ሊሰጠው ይገባል፡፡ ካለፈው ሥራ አስፈፃሚ ኮሚቴ መካከል የተሰጣቸውን ኃላፊነት ለመወጣት ብቃቱና ችሎታው ያላቸው ካሉ ለሁለተኛ ምርጫ ቀርበው ለሁለተኛ ጌዜ አገልግሎት የሚሰጡበት አግባብ እንዲኖር ማድረግ ያስፈልጋል፡፡ ኢትዮጵያ ለካፍም ሆነ በፊፋ መድረክ ለመራቋ አንዱና ዋነኛ ምክንያት ይኼ ይመስለኛል፡፡ እነዚህ ተቋማት ልምድና ብቃት ያለው አመራር ይፈልጋሉ፡፡ ስለዚህ ጉባዔው የሠራውንም ያልሠራውንም እኩል ጠራርጎ ማስወጣት አይጠበቅበትም፡፡ ሌላው ጉባዔው ጠንካራ አቋም መያዝ የሚጠበቅበት ምርጫ ሲደርስ ብቻ መሆን የለበትም፡፡ ተቋሙን በአደራ የሰጠውን አካል በየጊዜው በመገምገም፣ የቅድመ ምርጫ ሥራ ከወዲሁ መሥራት እንዳለበት ይሰማኛል፡፡ ተቋማዊ አሠራር ከምንም በፊት በማስፈን ቁርጠኛ አመራር መፍጠር ያስፈልጋል፡፡ የምናስብ ከሆነ በሰዎች መካከል ለእግር ኳሱ ዕድገት የሐሳብና የአመለካከት ልዩነቶች ሊኖሩ ይገባል፡፡ ጤናማ የሆነ ተቋማዊ ግንኙነት፣ አደረጃጀትና አሠራር ለእግር ኳሱ መሠረታዊ ለውጥ ወሳኝ ነው፡፡ ፍትሐዊነት ማለትም ውሳኔዎች ጠቃሚም ይሁኑ ጎጂ በጊዜና በሰዓቱ ማሳወቅ ያስፈልጋል፡፡ በኢትዮጵያ እግር ኳስ ከፍተኛ ችግር እያስከተለ ለብጥብጥና ሁከት ምክንያት እየሆነ ያለው፣ ከውሳኔ ጋር የተያያዙ ጉዳዮች ናቸው፡፡ ቅሬታዎች በአብዛኛው የሚደመጡት ለእኔ ይወሰንልኝ ሳይሆን፣ የተቋሙን ደንብና መመርያ የጠበቀ አይደለም ከሚል መነሻ እንደሆነ አውቃለሁ፡፡ እነዚህ ተግዳሮቶች የሚመጣው ሥራ አመራር በቅድሚያ ትኩረት የሚሹ ናቸው፡፡ ለችግሮች የጋራ ተጠያቂነትን መውሰድ የሁሉም ድርሻ መሆን ይኖርበታል፡፡ ለእግር ኳሱ ዕድገት ሲባል ከባለድርሻ አካላት ጋር ግልጽና አሳታፊ መድረኮች መፍጠር ከሁሉም በፊት ማስቀደም የሁላችንም ድርሻ ሊሆን እንደሚገባ አምናለሁ፡፡ Read More

Ethiopia:የህዝቡን ተቀባይነት ለማግኘት ያልሆነ ነገር መሰራትና ማሽቃበጥ ትርጉም የለውም | ዶ/ር አብይ የሰሩትን ስራዎች ያንቋሸሸ አስተያየት

0

ከነ ጌታቸው ረዳ፣ስዩም መስፍን፣helawø ግንቦት 20ን በማስመልከት በተደረገው ውይይት ላይ ከአንድ ወጣት የተሰጠ አሳፋሪ አስተያየት

ዶ/ር አብይ እኮ ጎንደርን ሲጎበኝ የብአዴን እጅ ይኑርበት አይኑርበት አላውቅም ግን ስለወልቃይት የሚከራከሩ አምስት ስድስት ግሩፓች አናግረውታል በማን አጋዥነት ነው እንደዚህ የሆነው? አለበከዚያ የወልቃይት ጉዳይ ከሆነ እስካሁን ባለው መረጃ መሰረት ትግራይ ክልል ውስጥ ነው ያለው ጉዳያቸው የሚነሳውም የሚያልቀውም ትግራይ ውስጥ ነው አለበለዚያ ስለ ወልቃይት ጉዳይ ጎንደር ላይ መነጋገር ፌር አይመስለኝም ምክንያቱም ወልቃይት እና ጎንደር የት እና የት ተገናኝተው ነው ግልጽ መነጋገር ስላለብን

አሁን ለኢህአዲግም እንደ ጥያቄ የማነሳው አሁንም እየታደስን ነው የምንታደስበት መንገድስ እንዴት ነው? አሁን ለምሳሌ እስረኞች እየፈታን ነው ምን አይነት እስረኞች ነው እየፈታን ያለነው? እንዴ የጸጥታ አካሎችን የገደለ ሰው ፈታችኋል እኮ አይደል እንዴ?  መንገዳችሁ እየጠራ መሆን አለበት እንደ እኔ ከሆነ።ለማስመሰል ወይንም የህዝቡን ተቀባይነት ለማግኘት ያልሆነ ነገር መሰራትና ማሽቃበጥ ትርጉም የለውም።ሂትለርም የአውሮፓ ሀገራትሲያሽቃሸብጡለት ነበር መጨረሻው ግን አላማረም ማሽቃበጥ ዋጋ የለውም ትክክለኛ የጠራ ኘንገድ መኖር አለበት የገደለ ሰው በመታሰር እንጂ መፈታት የለበትም። ማንን ለመናገር እንደሆነ ገብቷችሁ ይሆናል ብዬ አስባለሁ።

ለዚህ ግለሰብእንደ መልስ ልንሰጠው የምንፈልገው ዶ/ር አብይ በህዝቡ  በእጅጉ ተወዶ ተከብሮ ይቅርታን ሀገር መውደድን መተሳሰብን እያስተማረን ነው የሚገኘው።ወያኔ 27 ዓመት ሙሉ እያሳደደ ስደተኛ ያረጋቸውን በሰው ሀገር በእስር ሲማቅቁ የነበሩ ዜጎቹን በግል ሂዶ ጥያቄ አቅርቦ ያስፈታ ሰው ነው።ይህ ግለሰብ ስለዚህ ትልቅ ታሪካዊ ስራ ምስጋናም ሆነ አድናቆቱን አልሰጠም ከማሞገስ ይልቅ ትችትን ነው የመረጠው።ስለ ወልቃይት ስብሰባ ለምን በጎንደር ሆነ ገለመሌ ነው የሚያወራው ።ወያኔ ምን ፈየደልን አረብ ሀገር እንኳን ሲደፈሩ ሲበደሉ አሲድ ሲደፋባቸው አቤት ያለ ባለስልጣን ነበርን? ሀገራችንን ራቁቷን ያስቀሩት ከርሳም ሙሰኞችን እየተዋጋ የውጪ አካውንታቸው ላይ ከተለያዩ መንግስታት ጋር በመተባበረር ጥልቅ ምርመራ እያደረገ ነው ምክንያቱም ለሀገሩ ለአንድ ኢትዮጵያ እድገት ብልጽግና ሲል ብቻ ነው !!  ነብሰ ገዳይ ፈቷል ሲልም ነበር ግን ማነው ነብሰ ገዳይ? ወያኔ ነው በሞያሌ በጠራራ ጸሀይ ህዝቡን የረሸነ፣ በኢሬቻ እና ሌሎችም ላይ ቤቱበይቁጠረው። በአጠቃላይ ዶ/ር አብይ ስለፍቅርና ሰላም እየሰበከ ህዝቡም በደስታ የተቀበለውን መሪ መዝለፍ ወጣት ከሚመስል ሰው አይጠበቅም!!